Khuado Pawi 2008 New Delhi a Khaninte Hencipna leh Thuphapiakna Kammalte

By Rev. Peter Khen

KHANINTE HAWLKHIATNA

Kolose 2:14-15, 3:17, Matthai 18:18

Ka khuhpi, ka phahpi, ka khangneel, ka saitaak, ka livei, ka tuipi tungnung, ka tuipi nuainung, a khang masa, a khang nunung, lusum paaktawng, meigong-tagah a hong koih, mimci, taangci, gataam, kaikhum, simbaal, zobal, hong peh sak a, ka tuinaak uh hong nin sak zinleng, kauleng, phazaai dawi aw, ka lungzaai, Pasian Zeisu Khazih min tawh hong hencip ingh. Na thuak ding a lauhuai mahmah Pasian thukhenna tokhom mai, Zeisu min tawh kong denna hi.

MAWHSUTNA

Hosea 6:1

Phui tung, phui nuai, sam khialhna, ciampel, ton leh aih, gawh leh lup, gal aih sa aih, gisuang khinna, zawlthu tawh khialhna, khut khialh baan khialh, kolsung pan n’ong suahtak sak nang in Zeisu min in thumna kong nei uh hi.

THUPHAPIAKNA

Maangmuhna 5:10

Bilvaakna, teina, lolna, kumpi, siampi, mimci, taangci, simguah, zoguah thupha,Zomite tungah a tawntung in Zeisu min tawh zu tawntung ta hen, amen!

Kha nasepna kammal lawh dante taanglai siampite lawh tawh a ki bat lian lohna om kha ding ahih man in, ih telsiam kim tek ding hong lamen ingh. Hih lai hong sim sak mimal, u-le-nau leh ih minam a ding in thupha hong suak hen la, “A neu pen leh naungekte a mau makai leh a uk dingin ka tel hi”, a ci Pasian’ kammal (Isaiah 3:4) leh, “Kumpiza leh siampiza ka pia a, leitung a luah ding uh hi”, (Mangmuhna 5:10) a cih bangin Zomite gamh dingin hong kip ta hen. Amen.