Dear,

Na lai at pen a bul pan a tawp dong mah na simsak ing, siam lah siam, hoih lah hoih, ahi zongin Zomi te phatna tawm sa deuh ka hih mana a tua lam themkhat hong behlap lecin a ci hi ing. Kei bek Zomi a it diak dan in kingaihsun kei ing. Minam itna pen a minam nei khempeuh in a kikim nei dingin um ing. Sep zah pen kibanglo hi zaw maithei hi.

Zomite zong sangkah laivuanna bang hi leh pass mark beek hong piaksak sam lecin a ci hi ing ei.

Ei Christian te sang milim biate hoih zaw pek uh hi va cih pah gemgam na ding zong a mulo hi mai ing. Zomi ten nu leh pa te 'sim mawh in bawlsia uh hi' cih khitna ding zong omsa kei ing. Anhuansak tui tawi sak, kuang seng sak cih khitna ding zong... a tuabang lo zong om dingin ka um hi. Ne Win mah banga nu leh pa thumang zong a om ding ka um hi. Tuate zong i gen khop zel kisam hi. Khat leh nih git loh manin Zomi khempeuh a tuaci kici theilo ding hi.

Gen khial a om leh kimaisak ni,

Hau Za Cin
Phuitong Liim