HONG LEN GIGE'N:

Lia? "taktak hia?" [shillong ah bel hoihsak sim te thu themkhat a kizak nak leh "taktak hia?" cih - naak manlo, fast forward or a manlang thei bang pen a gen 'taktak hia' cih zel dan a ngeina hi a, a lamdang hilo hi.... ]...ha ha..

Pu V. Paukhansiam la mah hoih ngaungau zel sam hi. I leitung nuntakna bek hilo i Christian nuntakna ah zong i bah hun tamin Topa hong let leh hong khut kaih mah kisam den hi hang cih hong phawk sak a, Amah lo in leitung ki palzolo, lui kaan bang hi leh kikan zolo cihna hi.

A thukhupna pen hoih kasa mahmah a, a tang tawpna ah en leeng:

HONG LEN GIGE'N:

Aw kei hong gum Topa, Aw hong nusia lo aw,
Simlei mialna nuai ah tummang kha ning,
Aw na itna khut in kei hong len gige in la,
Damsung buaina ciaugal hong kaipih in,

Na vak ah mialna om ngeilo, Na siangah muanna kim hi
Nang ah muanna nga ing, Hong len gige' in

Sun Ni tum muihkhua zing, zankhua hong mial ciangin,
Mialna mitte hong vak, ka kha kem in,
Zing Nino hong suak a, Simlei pallunte lang,
Simlei pakte lo dingin, Aw! hong phal ken

Topa nang lo belh ding ken simlei ah nei keing,
Kha mit thuksem mu dingin hong vak sak in,
Aw na itna hoihna, hehpihna a thuk dan,
Nang naih sem a mu din, hong vaksak in.

Ka thumna ngaikhia in, Nang ngai a dangtak hi'ing
Khemna huihpi lakah ka kha a vai,
Hih hang kong sap ciangin, Nang kei ah na om a
Kahna mittui luang tawh phatna la ka sa.

Topa a mu cian tein bel khitui luangin Topa a phat uh hi mawk mah hi.

Lasakna tawh kisai pen hih la ka zak ciang Zomi ka hih nuam sa semsem ing. Nungak melhoih zitzet maiin ama hoihna khempeuh kilawmtaka Topa phatna dinga a zat mawk pen thupi kasa hi. Zolia te mahmah pahtak huai uh hi. I nam tawisang uh, i nam zuun uh hi. Zomi hih nuam sak vanvan uh hi. Topa muhna ah zong kilawm dinga, talent a piak amah phatna dinga a zatna ah a lungdam in thupha zong pia ding hi. Mizogam ah a kithupi sim mahmah khat pen lasa siam nungak leh tangval pawlkhat in Topa phatna simloh leitung love songs leh la gina lote sakna dingin a aw uh a zat loh uh pen hi. Mel lah hoih, la lah siam, a hoihna kehmpeuh Topa adingin zang, kipia, ki ap cih pen a kithupi sim, a kizahtak, a kipiibawl hi.

Aw vanglai hun kaihsau theih hi leh ka damlai hun sungteng vanglai in zang khin nuam ing...... ahi zongin make up thuah 8 leh Hair Dye tamveipi in zong vanglaini bawlpha kik thei nawnlo ahih dan te i zak ciang i hun hoih pen hong beibei ding cih hong remind tak pi hi. Ut in ut kei leng, ciangkhut leh zan ihmu loin zun leh ek nawnin kitul veve ding.....

Khamuanpa Topa in i bukna hi tawntung hi takpi hen.

PS: Nam khangto te in video a bawl uh ciang a thu tawh kituak ding a lim zong hanciam uh a, ei a pen a hoih, a et nuam, a kilawm ding stage kihi lai cih hong musak hi.

Hau Za Cin
Phuitong Liim