La-thu kepna (Lyrics archive) i nei hiam?:

Zomi te in Internet ah online a et ziauziau theih ding La-thukepna (Lyrics archive), cih bang i nei hiam?

Gentehna dingin: Agape late, Lentong late, Sihna Ki Go Zo late,Global Mission, etc. etc. leh adang dang te. A la i ngaih ciang a thui theih kim loh om thei hi. Tua bangciang a i et dingin a thu kigelhnaom leh cih ka lunggulh mahmah hi. A nei khin i hih leh la bangzah kikhumta, kikhum nailo bangzah om lai. La phuakte, la sa, a hawmkhia temin leh kum, etc cih te tawh a ki gelh pahpah hiam. La tawh kisai amin nei teng tangthu (biographical sketch) cih bang gelh kim ahi hiamcih khawng thei nuam siing. ZOCIA te bangin hong ngaihsun le uh minamadingin phattuamna lianpi hi ding hi. A hih kei leh hih bang lam a kinkhat in hong hanciam leh hoih mahmah ding hi.

La tawh kisai kipaawlna zong a nei nailo ihi hiam guai? Lai lam ahZCLS om a, politics bel a tuam in koih leng, biakna lam ah kipawlna oma, sangnaupang kipawlna, tangmi tangta kipawlna (NGO), numei kipawlna,Upate kipawlna, khangnote kipawlna, etc cih bang i neih ding thupimahmah sa ing. Lasak lah i siam mah bangin a uk ngiat minam hi mawkhang a. Nasep ding neih loh ciang lasa hi den mai a (India gamalutuamte Punjabi te pen nasep a neih loh uh ciang lasa in lam uh hiciin ciamnuih cihtak kigen zel hi). Zomite zong dah leng lasa, nuileng lasa, kimu leng la ki paih, ki khen ding ciang la tawh ki kha hihang. La leh kamsiam khawng i ngeina ah a belh mahmah hi mawk hi. Tuamanin a kepna, a zuunna limci tak khat om leh zong kilawm a, zahtak ipiakna zong hi pah hi. Lim zat mahmah i hih ciang, tutna saang ah itutsak a, tui lim, annlim zong i piak hong kilawm sam lo diam.

A vekin Zawlla (sannem la), Gam ngaih la, Biakna la, Phatna la, Nuleh Pa itna la, etc cih bangin keh deudeu in la thu, a phuakte, phuakkum, ama tangthu tom, a hawmkhiapa, lakhumna min cih khawng tuang theileh hoih ding hi. Bang hangin hih bang la phauk hiam, 'kha mite'kammal kawmpak leng - bang kha a tan laitaka a phuah hiam?

Sia Khup Za Go in a sihma in ama lai at khempeuh a kepna dinginlaibu khat hanciam a, LEIVUI PANIN cih min vawh in mun tuamtuam ah athu gelh khem peuh kaikhawm in a bu in bawl a, ama khutsuak a tamzaw(a kim ahih nai lo hangin) kimu thei hi. Collection dan hong suakcihna hi.

Tua dan in i la phuak te, i la sa te in zong amau phuah late a vekinkaikhawm in, a bu in hong bawl le uh manpha ding hi. Amau a hih zawhkei leh zong a kin, a lunglut, pammaih a sa, a it, a khual mahmah khatin sepsak lehang 'a mah lah nuam ding, Zomite zong lungdam ding' cihka um mahmah hi.

Lung hihmawhna leh ngaihsut tampi kikum thei zel ihih manin muntuamtuam a om Zomite aw 'hampha hang'. Tuma kum sawm hun lai in hihbang vanzat kinei lo a, ka pianna pa bangin Computer a zat gen lohinternet zong a thei nailo hi. Tampi tak mah in leitung kiuli i tutnaciat panin hih keyboard mek ziauziau in thu kiza thei ihihman in alamdang pi hi. A mawkna hi het kei leh zong manpha thei pen a i zat a,i van, i go, i neihsa kepna inzong i zat theih leh a sum bei sangin amanphatna tamzaw thamtham lai ding hi. Tua ka muh dan hi.

Hau Za Cin