Zomi innluahvai (kuppihna)

A puahphat huai, a behlap huaina te zong hong gensuak pah dih ve. Ngaihsut huai hi cih pen ngaihsutna omsa hong kigen hi a, a tua ngaihsut ding te hong gen dih aw.

Tonzang a sahawm vai na gen pen bel a tanu in a nu leh pa inluah cihna in na ngaihsun ing. Zong sia sakei mawk ing. Ahi zongin na gen bangin a sahawmna ah bel kilawm sa kei ing. A makpa lamte in thu deih lua sa ing. Thupina in ka ngaihsut loh pawl hi. Hih pen mimal ngaihsut khialna in ka tuat zaw hi. Na gen bangin a sih mateng uh bel a minpua ding a kilawm om sa ing. A mak lamte in advantage la lua sa ing, hai huai ahih lam thei kilkel mah a ahih uhhi dingin ka um hi. Tua tanu zong pil khollo cihna hi, anu apa taw lem in amah kineusak hi. Hih khial cih a kithei tam dot huai mawk leh kilawm, ei kisaipih luat ding bel hi sam kei.

Ahi zongin Lamka lawmte khat in hong gen pen lamdang kasak khat hi. Pitek khat in 'kei na lah sem zo nawnlo, a ne bek, ka nik ka puan zong siangtho sak zo nawnlo, ka tute hong kepsa vive ciin an zong ka gilvah in ka ne ngam kei' ci hi ci mawk hi. Pitek khat a nasep zawhloh pen kisuanglah mahmah hi. Kua in tua bang lungsim neisak hiam? A tekzawh ciang a ngaihsut tawm ahih ding ka um kei hi.

Kei ngaihsutna ah bel siluang inkong lam a zawt laitaka a hing luang phaitam lama kiciahpih bel zat nawnloh ding in hoihsa pah ing. Mulkim huailua deuh. Tua puahphat dingin hoihsa ing.

A pasal tawh a lam pen a sih tan mah (a mah a ut nak leh) luah henla, ahi zongin mangthangsak loin hi leh hoihsa ing.

Hau Za Cin
Phuitong Liim