Kuppihna: Gas found in Zogam

Tonsim khuagei zanglo sung teng pen Champhai akici hi a, a khuapi pen Chawnchhim a kici hi zaw hi. Tu hun ciang a khuapi min zong Champhai ciin a kigen mawk hangin nidangin tua na hi masa lo hi.

Champhai leh Zote khua kikal Tuipi lui gei lian, moto lampi pan 10 metres khawng ding a gamla, Champhai pan Zote lam zuat ciang Tuipi Lei tunma taklam, nisuahna lam ah 1980's in (ONGC te mah ahi dingin um veng aw) Oil om hi ciin mukhia uh a, a leivuhna uh zong ciamteh in (drilling hole) sik lianpi khat kiphut hi. Tun zong omlai hi. Tua lai in BIG NEWS hi a, ahi zongin tu in bangmah thu kiza kiklo hi. A hang i theih loh hang a kimuh khiat dan, a zuau a tak, tutana khatvei zong a kigen kik lohna hang - a hang tam ding hi.

Tua a bat khak ding lauhuai ka sa hi.

A taktak hi leh zong eipawl in bang phattuamna i ngah tam? Digboi ah meitui pen Assam Oil cih minpua sak hamham in Bihar gam Barauni ah ki Refine mawk hi. Refinary khat bawl kik sangin Pipe Line bawl pen sum tawmbeizaw kici hi maithei hi. A gam mite sup leh met ding pen kuaman khualman nawnlo hi maithei.

I gam ah gas om leh zong pua mang lel ding uh a, mun dangah processing hih lel ding uh a, ei thuak ding pen i gam sung sing leh suang tampi siat lawh ding, natna cituam hong piang thei, pollution - air, water, soil hong om ding theihsa, sum a om hang ei khut hong tung kha tam; ei nuntak a nuamtuam sak tam; a lehlam ah en leng i nuntakna sia deuhdueh thei hi.

Ahi zongin i bawh siam leh meetpih ek a, London khawngah pem san vingveng theihna hi ding hi. Ahi zongin mihing lakhs tam zong a phalo - MLA kitelna leltak khawng tawh a luvai pahpah thei eite pawl pen thulian sai taktak dingin i kimuang ngam diam?

Hau Za Cin
Phuitong Liim