Rev. Ngiak Za Dim in hong nusia

Zomi sanggam u le nau,

Sianu Rev. Ngiak Za Dim in January 11, 2007 (11:30AM) ni in Kum 70 pha pan in hong nusiat ciang a za kha peuhmah dahna lunglen khuangaihna tawh i ki dim hi.

Ahi zongin amah ei ngai nawnlo in a it Topa kiangah tawldam takin khawl dinga, "Siangtho, Siangtho, Siangtho" ciin vantung mite leh mi siangtho pai masa te tawh Topa phatin lamlam ding uh a, phatcim theilo ding uh hi. Leitung lungkham haksatna te phawk nawnlo ding uh a, zong ngaihsun kha nawnlo ding uh hi. A paimasa it leh ngaih teng tawh kimu in lungdam in lamkhawm ding uh a, nakpi takin Topa innsungah nuamsa ding uh hi.

Leitung ah a kipahtawina te ka et ciangin hampha kasa a, thupi kasa hi. A pahtawi nuamlai a pahtawi manlo zong a om phial tam aw ka ci a, hong nusia baihlua kasa hi.

Hau Za Cin
Phuitong Liim