India gam ah MLA akici te....:

Zomi a tamzaw India gam ah omlo ahih manin MLA a khiatna tawmcik genpak leng. Member of Legislative Assembly, kumpi dan bawl dinga kitelkhia ci leng a theihsiam ol dingin, gamdang ah Law makers zong kici hi. India gamsungah gamneu khen 35 (28 states, 7 Union Territory) om a, tua gamneu te ah vaihawm dingin MLA kum 5 hal in khatvei kiteel zel hi. Gamneu 35 kigawm India cihna hi. Tua gam neu khata vaihawm dingte MLA kici hi. A gamneu ah mihing a tam leh MLA tam a, mihing a tawm leh MLA tawm hi, ahi zongin mi 40 sang tawmzaw theilo hi.

A nasep uh pen kumpi vaihawm leh dan tuamtuam bawl dinga hi a, vai lianpi, thu lianpi hawm thei uh hi. Tua bang member khat hi dingin pil ding kisam tuanlo a, hai zong kisam tuanlo a, 'teelcing' hih ding bek thupi hi.

A kiteel dan: Mi kum 18 tunglam siah in vote khia thei hi.

Ciamnuihna hilo: Zomi te omna khua pawlkhat ah misi sa khawngin zong vote khia cih kiza ngei hi. A piang nailo, hong piang ding maw pianglo ding cih khawng zong a kitel nailo, ahi zonga a min kiphuaksa pawlkhat in zong vote nei khia kici liang hi. Khantohna hi diam, khansukna hi diam mipi in amau vote khialo in a nisim nekzonna tek mah uh sem lel in, ahi zonga amau vote kimtaka vote simma in kikhia lel hih tuak hi. Technology pen tuam ngiat hi. A dang a kilawm lo pawlkhat zong omlai, gen khin zo pak kei leeng kilawm.

Vote zon dan pen kumpi in hih ding, hih loh ding zuihding zuih loh ding, cih thukhun nei in ahi zonga mun pawlkhat ah zuih ding pen zui lo in zuih loh ding pen zui teitei cih khawng om hi. Vokpi vive ki candidate hi leh zong khat teitei a cin ngai ahih cianga, a tawptawpna ah khat hong cing in mipi tungah 'vai hong hawm' takpi in.... mipi te a khangto sak dingpa/nu pen ama mipi te zawng deuhdeuh in amah hau deuhdeuh cih khawng om hi. A cin khit ciang hopih ding bek zong hamsa lua, 'cha thak na bah' kisam lai tazen hi. 'Kiho sung a niangtui hawp na ding i sik pah kisam cih dan hi, tua zong a tul sawm nuai tawh a dangkeu pha mello hih tuak ei... na sa'ng. Beh leh phung mah ki khon ngiat ngiat a ava dawnsak uh zong a dangkeu pha mello thei lai...

Pasian gen loh, Pu Chin Khen Thang, IAS in a awi diam?

Hau Za Cin
Phuitong Liim