Zomi Writer of the year 2006 cih ding kilawm

Khaih,

Degree hong piak sawm na hih uh leh lungdam peuhmah si ing e... ha ha...

ZONET pen agenda omlo, eima uk lam tek kikupna, eima kupnop peuh kuppih theihna, leitung thu, vantung thu leh ei Zomite ngeina leh piankhiatna mahmah pan, i khantoh dan, i maban, i nungsang, na khatpeuh kup theihna dinga a vaihawmte hong geel hi a, i sim ut teng kisim in i kep nop teng ki kem in, i paih nopte akipai hi lel a, kidemna banga tam hihpen, tam kum pen, cih bang hilo ahih manin leh member khempeuh i za kikim khin ahih manin tam at, tam atlo cihte ah hun beisak lo in i theih bangbang, i kup nopnop kum ni. Khawlman hi kei hang, sep ding, delh ding, matut ding tamlua lai. Mite tawh khangkhawm nuam hang.

I nuntak dan hong kikhek vat, i nekzon dan hong kikhek vat leh globalization i nawktoh laitak in Zomi te zong pe-lem hetlo a bangci tua kikhekna phamat to ding (adapting ourselves into the globalized world) cih i hanciam laitak hi. A ki adapt siam tampi a omtaak hangin i singtang dawn leh khuata ate in theisiam khinlo maithei, theisiam mah leh a sum leh pai neih in cinlo, sum muh pakna ding zong omtuanlo ahih manin, hih i transition period hun kikhekto laitak kum 10 sung khawng peuhmah i nawk toh lai dingah i minam bupa i ki adapt theih ding thupi sa masa hang.

I lungsim puakzia khek ngai, i ngaihsutna tangzaisak ngai, i nasep dan khek ngai, i laisim dan, i pilna zon dan khempeuh leh i ngeina pawlkhat zong khek ngai ahih manin i pantheih na ciat ah panla ni.

Khaih ka tuibuk zong tam ta, ding kik ni ei,

Hau Za Cin
Phuitong Liim