Naupang zukham kineih:

Youtube.com mah ah [http://youtube. com/watch? v=ZKA3GmwBSSQ] naupangte zukham kineih sak mawkmawk uh hi. Pattah baih mahmah mawk, a letciang ciing thei vanglak in um ing. Minam khangto peuhmah in hi dan a sia lam pen ciingciing nuam khollo uh hi. Ciamnuihna a bat hangin, nuihsuak huai khollo hi.

Thuhoih kihilh nuam lua hi napi a sia, thusia tawh genteh, thusia lak masa teitei, hih pen Zomi te in i ngaihsut phat mahmah dinga hoih kasak hi. A hoihlo lam, a negative lam pen khiam sawm, minimize in a hoih lam khansawm leng ahoih ding hi. Hong nuaisiah sawm peuhmah in thuhoih tawh hong pan masa ngeilo ding hi. Thu hoih tawh hong hopih masa lo ding hi. Thuhoih pen a khupna, a tawpna ah zang ding hi. Ahang bang: First impression is last impression kici hi. Tua manin zukham dan mipi lak in zu dawnlo dinga kisinsak cih pen zuau hi, zawng ha polo po sak, a theilo khat hilh hizaw hi. Zudawn dan naupang kum 18 nuailam mu sak khinta ihih manin a mitkha ah omta hi. I gamtat dan, i hih ding i hih loh ding a kilawm khentel detdet ding kisam mawk hi.

Minam khangto peuhmahin kum tua zah a hih leh tua bang a theih ding, tuate a theih nai loh ding cih bang na nei uh hi. Tua dan khat ngaihsutna awareness Zomi te in zong i neih kisam hi. I theihsa vive hi a, hih video ka muh leh ka lungsimah hong suak vat ahih manin ka hong at mawk hi.

Hau Za Cin
Phuitong Liim