Laitui Ciamnuih hilo in, "Laitui Paudan" na hi zaw hi:

Ke'n Laitui te a ciamnuih uh kasak leh "Cimphawng Laitui Paudan" (1999, Singapore) by Pa Pau Za Mung laibu ka sim leh, amau a ciamnui hi peuhmah lo, a kiho ngeina dan uh, a ki kholh ngeina dan uh, a cih takpi mah tawh a gen uh a na hi mawk a, a ngaihsutsut uh, a kigingin uh hih tuak lo mawk hi. Sponteneous mahmah ahih man in laibu bawlpa in, 'a ciamnuih uh hi kei, a khel pau uh zong hi kei, a nisim nuntakna vuah a zat uh kammal te hi lel a, midangin ka ciamnuih uh sa in hong ciinciin sak hi zaw hi,' ci hi. Tua tak ciang bel kei zong 'Aw! theikhial hi ta ing maw, khial mah si ing e maw ciin, ka mawhna pi teng mah tawh ka ki- ap thei pah hi. Laibu in hong pilsak a, laisim in hong theisak hi. A thupi mahmah Laitui Paudan natawm!!

Ken ka na zak dan ah, ka na theih dan ah Laituite pen a ciamnuih khah lua, a pillua ahih man un a gennop khat peuhpeuh uh mi dang theihsiam dingin a kilawm nuihsuak huai khat tawh a memat ziauziau uh ka sak leh amau a serious mahmah, ciamnuih kihel vetlo na hih tuak mawk hi. Tua man in ka theihna, ka ngaihsut dan khial mawk ing. Laitui Jokes ka cih pempam pen hong maizum huai kik pian, a tua ka cih pen a 'jokes' zaw hong hi kik zaw bilbel hi. Lawmte ..... khat in 'gal et leh a kiangpan kibang kei veh aw' a cih dan hi, a bu a sim taktak ciang khawlak thuzak tawh kibang nawnlo hi.

Ka sim suksuk leh, nuih loh theih loh pawlkhat ka tuak hi... ka gilvun zong Inpipa Zunun na ding khuang ni sagih a pho khit bangin kikang gawp a, ka kideekdeek hangin ka ki dek zo tuan kei hi. Pawlkhat gen suk zangzang leeng --

Nungak hel ciang-a zat ding 'Veih iipdan': "A khua vuah nungak khat tangval tampi in heel, mei kiangah tu kual pempam mei awi kawma holim, tua leh tangval khatin a khepimuk kuunsak te'ta', nungaknu in zong a muh ciang enen, enen in, a sawt cianga lamdang sa ahi tam maw, abang zong nuam mawh ahi tam, a va tan'sak (straighten) teitei leh tangvalpa veih zong pai pah lian"

A guallel ngeilo Numeite: A pasal zong ki pasal taka mi kiangah "Ken numei khempeuh in siam gan thei ding ka sak leh ana hilo thong" ci, a zi in zong na za kiau a hih cianga, "Ken pasal khempeuh in Sakhi man ka sak leh ana hilo thong"

Pau San a ciamnui hi lo: "Pau San na inn lam thak uh koi lam nga ahia?" " "Inkong lam mah nga e"
[Ni suah, ni tum na lam tawh kisai khin khol kei mah e]

and many many more.....

Laitui moto lampi ah taite bangin a heekna ka neih loh hangin a kawi kaihkaih hong ci kei henla; Zomi khempeuh in i uang zat mahmah leh hai huai a hi, kilawmlo ahi cih zong i theih hang i khual hetloh mi nasep khat peuh, mi thugen khat peuh i kup teitei a 'kei ma ngaihsut danin', 'ka deihdan in bel' or 'ka advice' or 'comments pia pahpah' or 'comments pia teitei, pia den' cih danin hong ngaihsun kei henla, themkhat hong hel teitei leng......

Kum 1999 pan kum 2006 kikal paulo a om hetlo ding uh ahih ciangin paudan thak a kiciing kik leuleu te zong behlap in hih laibu sungah hel in laikhet dan, laimal gawm pawlkhat puah kikin a tangzang a kep nop, a sitai in bawlkik leh bel.... manpha semsem lai ding hi.

(zop lai ding, more to come)

Hau Za Cin
Phuitong Liim
(Mi'n Masi sa ne ding e'n Lab ah nasem ding cih i ngaihsut ciang i ki maitai sakna ding cih man bek hi phot e!!)