Ka Zomi pih a kuamah peuh,

A nuaia Pa Tg. Sianpu leh Pa Paul Khaipu hong kigente ka simna pan ka lungsim ah hong suak pawlkhat pen -

1. Zomi cih pen Zomi ka hi a kici teng bekmah in zangto suak ding tawh kibang hi, tua manin kizawtzawt hun hinawnlo, ei minam min ding ciat tawh kalsuan hun hita. Tunsung khat pan piang, Khuulpan piang akici te minam min tuamtuam tawh i kikhen tak thu kician a, kigawm kik ahamsat leh i kikhen siang vet mai ngai leh kilawm hi. Akikhen khin i hi zaw hiam leh?

2. Zomi ah kuamah zawn nawnlo ding, ei zong ei pai in pai ngiatngiat ta ding.

3. Zomi akici tengin Zomi recognition i tenna gam ahi - India leh Kawlgam ah i neih pah ding thupi leh kilawm.

4. Zomi te ki pumkhat lo cih pen um kei ing, Zomi te kipumkhat mah hi, Zomi a utlo te Zomi ah hong kipumkhatlo hizaw kha inteh. Tu ciangciang ah Zomi te kipumkhat hi. A utlo te inntuan hen, phamawh kei, kithukhualsaka sapsap ding hun hi nawnkei, hun pammaih hi.

Zomite hanlungciam paizel ni. //